أكثر 4 أسباب للضغط العصبي ,وأفضل 3 طرق في علاج الضغط العصبي

طبعا كلنا سمعنا عن تمارين الاسترخاء وتمارين التامل وتمارين التنفس وازاي تتنفس عشان تقلل الاسترس والضغط العصبي بتاعك.

عايز اقول لك ان احنا مش هنتكلم في الكلام ده بالعكس هقول لك ان الكلام دوت او اللي بيحصل ده ممكن ما يكونش عملي قوي.

تخيل واحد مضغوط جدا جدا ومتعصب جدا وانت جاي في وشه وتبص له عملت له ايه ده ايه ده اتنفس اهدى اتنفس.

كلنا جربنا الموقف ده بتحس ان انت مش بس مش قادر تهدى ولا قادر تتنفس ولكن تحس ان انت عايز تدي له على دماغه.

احدث الدراسات النفسيه الحديثه ومن جامعه هارفرد بتتكلم على تقنيه جديده لمحاربه الاسترس او الضغط العصبي وهي متلخصه في طريقتين.

وهديك معاهم طريقتين ثانيين عن طريق التجارب وعن طريق اراء الناس المختلفه اللي اتعاملنا معاها

يعني ايه تقليل الاهميه يعني ببساطه شديده انت ستريس او انت مضغوط بصوره شديده لسبب معين ايا كان السبب ده ايه.

ما فيش حد حاسس ان هو مضغوط ان هو متضايق بدون سبب معين.

ممكن يكون السبب ده انت مش حاسس بيه دلوقتي هو ممكن يكون من كتر ما الاسترس عندك بقى مزمن احساسك بالسبب او احساسك بالعله نفسه يختفي ويتبقى عندك احساس الضغط العصبي المزمن بس.

عاوزك المره الجايه لما تحس ان انت مضغوط او متضايق، فكر ايه سبب الاسترس او سبب الضغط العصبي اللي انت حاسه.

لو حاسس انك مش عارف ايه السبب بالضبط او انت مضغوط بدون سبب معين.

غمض عينيك وفكر بالراحه جوه مخك وقول انا ايه اللي مضايقني دلوقتي في هذه اللحظه اكثر حاجه.

غالبا هيبقى في سبب معين والسبب ده غالبا بيبقى مستمر

زي مثلا مضغوط بسبب مشاكل في الشغل.

مضغوط بسبب الاولاد

مضغوط بسبب شغل البيت

مضغوط بسبب المصاريف

مضغوط بسبب ان عندك امتحانات وعليك همومه ومسؤوليات كثير ولسه ما عملتش فيها حاجه.

وهكذا....

المطلوب منك دلوقتي ان انت وانت مغمض عينك كده تفكر شويه وتقول لنفسك هل السبب اللي انا مضغوط علشانه ده مهم اكثر من حياتي ومن صحتي؟

هديك مثال .......

في واحد مشهور قوي على اليوتيوب بيعمل فيديوهات بتتكلم على تجربه نفسيه ظريفه جدا.

بيقول لي اشخاص عشوائيين في الشارع لو قلت لك ان انا هدي لك 10 مليون دولار بشرط تعمل لي اي حاجه اقولها لك توافق؟

طبعا عشان الغرض من الفيديو معظم الناس بتوافق

فبيقول لهم هديك 10 مليون دولار ولكن بشرط ان انت مش هتصحى بكره تاني هل توافق على ده؟

فطبعا كل الاشخاص بلا استثناء يردوا عليه ويقولوا له لا طبعا مش موافق

فيقول له ده معناه ان انت تصحى بكره ليوم جديد اهم عندك من 10 مليون دولار

وهي دي نفس الفكره اللي بنتكلم فيها

هل المشكله اللي مأزماك واللي مسببه لك الاسترس والضغط العصبي اهم عندك من ان انت تصحى بكره اليوم جديد؟

اكيد كلنا هنقول لا .....

ان انت تصحى ليوم جديد وتجربه جديده للحياه وفرصه جديده انك تعيش وتحقق احلامك واهدافك اهم عندك من الفلوس الدنيا كلها.

فلو فكرت بالطريقه دي هتعرف ازاي تقلل اهميه الحاجه اللي مسببه لك الضغط العصبي.

فالمره الجايه لما تحس ان انت متضايق او انت مضغوط او انت stressed من حاجه معينه افتكر تقلل اهميه الحاجه دي.

وقول لنفسك دائما هل الحاجه دي اهم من ان انا اصحى بكره ليوم جديد ولا لا؟

فكره ان انت تعمل تمارين استرخاء وتمارين تنفس عشان تقلل الاسترس والضغط العصبي ....

بالنسبه للدراسات النفسيه الحديثه وعلم الطاقه بيقول لك ان ده حاجه مش صحيحه.

لان اللي انت بتعمله بالضبط كانك بتاخذ مسكن وانت عندك التهاب.

ولكن لسه طاقه الالتهاب وطاقه الاسترس وضغط العصبي اللي محبوسه جوه جسمك ما خرجتش.

وهتسبب لك كطاقه محبوسه مشاكل نفسيه ويعقبها مشاكل جسديه كرد فعل للطاقه المحبوسه دي.

وفي نفس الوقت ما بقولكش نفس عن طاقتك واضرب اللي حواليك واقعد الطاقه السيئه اللي محبوسه دي ....

يبقى احسن حاجه تتعمل هي احتضان المشاعر!

في كتابه السماح بالرحيل لدكتور ديفيد هوكنز اشهر دكتور نفسي في الثمانينيات ....

كان بيتكلم على تقنيه السماح بالرحيل وبيقول ازاي تعملها .....

ببساطه شديده المطلوب منك لو انت مش قادر تقلل اهميه الحاجه اللي مسببه لك استرس او مسببه لك ضغط عصبي يبقى ما تحاولش تتخلص منها .....

لا احتضنها واحتويها كمان .....

هنعمل ده ازاي؟

غمض عينيك وفكر في الشعور اللي عندك ما تفكرش نهائي في الحاجه اللي مضايقاك ....

سواء كانت فلوس او شغل او ايا كان ولكن ركز في الشعور اللي عندك ...

انت حاسس بايه في هذه اللحظه ....

ابتدي ركز في الشعور واحتضنوا واحتويه وما تركزش في اي حاجه ثانيه .....

المهم جدا ما تركزش في الحاجه اللي مسببه لك الدقيقه والضغط العصبي ده ....

بعد شويه هتكتشف ان الشعور اللي انت حاسس ان هو نار متاججه جواك بيخفت تدريجيا سنه وسنه ...

وبعد شويه هتحس ان الشعور بقى ضئيل جدالدرجه ان انت هتحس ان انت مش قادر تركز فيه.

ساعتها اطلق سراح الشعور ده وانت محافظ تماما على عدم التفكير او التركيز في الحاجه اللي مسببه لك الضغط العصبي زي ما قلنا.

اعمل التمرين ده وكرره كل ما تحس ان انت متضايق ومضغوط ....

هتلاقي فرق كبير جدا في مشاعرك وفي نفسيتك وهتلاقي نفسك اهدى بكثير جدا نفسيا ورد فعلك ناحيه الضغوطات العصبيه بقت احسن بمراحل.

الجسم بيحاول دايما لما بيحس بالستريس او ضغط عصبي انه ياكل حاجه مسكره.

لان السكر بيزود الانسولين وبيقلل الكورتيزول وده بيقلل كثير من الاحساس السيء بتاع الضغط العصبي.

ولكن الحاجه المسكره بعد ساعتين بالضبط بتسبب لك هبوط في سكر الدم وعدم استقرار الانسوليني وتجيب لك شراهة ثانيه للسكر.

وتخش في الدائره المفرغه بتاعه الاكل العاطفي اللي كنا اتكلمنا عليها.

الحل ان احنا ناكل اكلات فيها الحاجات دي:

اوميجا 3:

من اكثر الحاجات اللي معمول عليها دراسات ان هي بتحارب الضغط العصبي وبتحارب الاكتئاب واضطرابات المزاج.

فيتامين دي:

من اكثر مضادات الاكتئاب الطبيعيه اللي موجوده في الطبيعه وده اكبر سر ان التعرض للشمس بيعالج الاكتئاب ويحسن المود مش عارف تتعرض للشمس يبقى خذ حبوب فيتامين دي بصوره مستمره.

المغنيسيوم:

من اكثر الحاجات اللي بتقلل الاسترس والضغط العصبي واللي بنديها في المستشفيات وفي الرعايات لمرضى الضغط المزمن عشان يقلل من الضغط بتاعهم هو المغنيسيوم.

كل الدراسات النفسيه الحديثه لاكثر من 20 سنه مع مرضى stress والضغط العصبي بتعيد السبب الرئيسي للضغط العصبي المزمن لمشاعر الخوف.

قبل ما تعترض على الكلام ده فكر فيه شويه ....

ايه اللي بيخليك مضغوط من الشغل؟

الناس اللي بتشتغل في شغلانات مرضيه بالنسبه لهم نفسيا وماديا ممكن يشتغلوا لاكثر من 12 ساعه يوميا ولكن ما بيبقاش حاسس ان هو متضايق او مضغوط ...

احساس انك مضغوط من الشغل غالبا بيبقى ليه سبب من اثنين ...

ان الشغل غير مشبع ليك نفسيا وانت مش حابه ...

او الشغل مفروض عليك و انت مجبر ان انت تعمله خوفا من قله المال او الموارد ...

يبقى الاحساس الرئيسي للضغط العصبي من الشغل هو الخوف ...

قيس ده على اي حاجه بسبب لك ضغط عصبي شديد في الحياه ....

قول لنفسك هو انا حاسس ان انا مضغوط ليه او حاسس ان انا متضايق ليه؟

واقعد قول ليه انا حاسس كده ثم ليه انا حاسس كده هتلاقي نفسك وصلت للشعور الرئيسي وهو ان انت خايف ..

خايف الحاجه اللي ضغطتك دي ما تعرفش تحققها او خايف الحاجه اللي تخرج دي تروح منك ...

لما تحارب احساس الخوف ولما تواجه مخاوفك هتعرف بسهوله شديده تتحكم في احساس الاسترس والضغط العصبي بتاعك ....

وهتلاقي نفسك قادر تواجه الحياه بنفسيه قويه وروح من حديد.

لو عاوز تعرف اكثر ازاي تعمل نظام غذائي مخصوص لمحاربه الاسترس والضغط العصبي ....

بحيث تبقى بتاكل اكلك المفضل اللي بتحبه وفي نفس الوقت ما تبقاش متعرض للستريس او ضغط عصبي او احساس بالتانيب ...

ولو عاوز تعرف ايه اسهل تقنيه تخليك تحارب مخاوفك وتتغلب عليها وكمان توصل لهدفك ولحلمك بسهوله ومن غير تعب ...

تعال اتفرج على الفيديو المجاني ده وانضم لينا في برنامج الهرمونست وغير من حياتك وغير من صحتك ....