أسوأ أربع اطعمة التهابية تسبب أمراض القلب ، السمنة ، والشيخوخة المبكرة

بدل الحاجات دي كلها ببروتينات صديقه للقلب.

فكر دايما في كنوز المحيط زي السلمون والماكريل الغنيه بالاوميجا 3 والمعروف جدا بخصائصه مضاده للالتهابات.

ولو عايز حاجات مش بحريه عندك صدور الفراخ والديك الرومي.

وحط في حسابك دايما الاختيارات النباتيه زي كنزين القوه اللي هم العدس والحمص غير البقول بانواعها واللي مش بس بتديك بروتين ولكن بتديك كمان الياف من غير الحموله الالتهابيه بتاعه اللحوم.

الكربوهيدرات المكرره واللي موجوده في منتجات زي العيش الابيض ، المخبوزات بانواعها والسناكس المصنعه.

كلها بتتفق على حاجه واحده : ان متشال منها اليافها والمغذيات الرئيسيه اللي فيها ومش فاضل منها غير السكريات المتكرره اللي فيها.

وده بيؤدي لزياده سريعه جدا في معدل السكر ومعدل الانسولين في الدم.

الزياده دي بتسبب رد فعل التهابي شديد وبيهيا الجسم لمقاومه الانسولين والسمنه.

مثال منتشر جدا على ده المشروبات السكريه والسناكس اللي ماليه نظامنا الغذاء الحديث واللي بتساهم في ارتفاع عالمي في الامراض المتعلقه بالسكر.

الدهون المهدرجه واللي غالبا مستخبيه وسط معظم الاكلات المقليه بتاعتنا ، الاكلات السريعه والمخبوزات التجاريه واللي كلها معروف عنها دورها الكبير في التسبب في امراض القلب.

المشكله ان هم مش بس بيسببوا زياده في الكولسترول السيء ، ولكن برده بيقللوا مستويات الكوليسترول الجيد في الدم.

واللي بيسبب لك عاصفه التهابيه جوه الاورده والاوعيه الدمويه بتاعتك.

الاكلات السريعه واللي بتضم الدهون المهدرجه والسعرات الحراريه العاليه هم اعلى حاجه بتسبب المشاكل دي كلها

الجا للدهون اللي بتعالج مش اللي بتضر.

خذ عندك الافوكادو مثلا بقوامها الكريمي ودهونها الغير مشبعه المفيده للقلب واللي تقدر تحطها على اي حاجه من اول السلطه لحد العيش التوست.

عندك كمان المكسرات زي اللوز وعين الجمل اللي ممكن تاكلهم كسناكس مليانه بالاوميجا 3 وفيتامين E.

في المطبخ اطبخ بزيت الزيتون وده حاجه اساسيه في دايت حوض البحر المتوسط والمعشوق بسبب خصائصه المضاده للالتهابات.

سهوله المشروبات الغازيه والقهوه المسكره السريعه دايما بيكون حل مغري سريع عشان ترطب او تروي عطشك بالرغم من الجرعه الرهيبه من شراب الفركتوز او السكريات الاخرى الموجوده فيها.

مشكله العاده دي انها بتسبب رد فعل التهابي في التو واللحظه وده بيساهم في الالتهاب المزمن والمرتبط بالسمنه ومرض السكر.

تواجد المشروبات دي في كل مكان بيخليهم دائما جزء خبيث من نظامنا الغذائي الحديث.

اروي عطشك ببساطه.

الماء اكسير الحياه : للاسف دايما مش واخده حقها لان احنا اتعودنا ان احنا نكسر الميه باي حاجه وغالبا تبقى حاجه مسكره.

اكسر العاده دي بان انت تحط على الميه شرايح ليمون او خيار.

جرب شاي الاعشاب او الشاي الاخضر واللي مش بس بيروي عطشك ولكن بيوفر لجسمك كنز من مضادات الاكسده مع فوائده في زياده الحرق.

خريطه الاكل الحديث مليانه بالمنتجات اللي بتحتوي على المواد الحافظه ، الالوان ، الاطعمه واللي كلها بتسبب رد فعل التهابي شديد.

بالذات عند الاشخاص اللي عندهم حساسيه شديده من الحاجات دي.

المواد دي مش موجوده بس في الكاندي او في السناكس ولكن ممكن تلاقيها في الحاجات اللي ما يبانش عليها خالص زي العيش وزي المرق والصلصه وغيرها.

دايما حاول ترجع للاصل.

اختار اكل طازه واكل كامل على قد ما تقدر.

ابعد عن اي اكل في كيس.

لو لازم تجيب اكل في كيس بص كويس على المحتويات بتاعته لو في ماده انت مش عارف تنطقها غالبا الماده دي ما ترضاش انها تخش جسمك.

الالوان الزاهيه بتاعه الخضروات والفاكهه دي جايه من فرشه الطبيعه استفيد بيها وما يغركش الالواح الصناعيه.

عشان تصنع اكل مضاد للالتهاب مش بس لازم تتجنب مجموعات من الاكل ، ولكن لازم تحتضن اسلوب حياه.

الاسلوب ده بيفضل الاكل الغني قليل التصنيع اللي بيغذي وبيعالج.

لو عاوز مثال كويس عن الانظمه اللي بتعمل كده عندك دايت حوض البحر المتوسط واللي بيركز على الفاكهه والخضار ، الحبوب الكامله ، اللحوم الخفيفه والدهون الصحيه.

الدايت ده مع الرياضه ومع اساليب التعامل مع الضغط العصبي يحط حجر الاساس ناحيه حياه اقل التهابا ومليانه بالحيويه ومليانه بطول العمر.

لما بتحتضن البدائل الصحيه انت مش بس بتقلل نيران الالتهاب في جسمك ولكن انت كمان بتفتح الباب ناحيه اكتشاف اطعمه وقوام غني.

الطبيعه دايما بتقدملك اختيارات وفي بحثك عن الصحه افتكر دايما ان الاكل مش مجرد وقود ولكنه دواء يقدر يعالج ويقدر يعمل توازن في الجسم وفي الروح.

لو عاوز تعرف اكتر عن ازاي تحقق التوازن الفسيولوجي وكمان التوازن النفسي في جسمك ، ولو عاوز تعرف ازاي تاكل اكلك المفضل في الوقت اللي انت عايزه والكميه اللي انت عاوزها وفي نفس الوقت تبقى بالوزن اللي بتحلم بيه يبقى تعال اتفرج على الفيديو المجاني بتاعنا